Кандидатот за градоначалник на Скопје и актуелен градоначалник на Кисела Вода, Орце Ѓорѓиевски, вечерва најави големо обновување на јавниот превоз. Според него, на почетокот на наредната година, главниот град ќе добие 80 нови автобуси, со што се очекува значително подобрување на редовноста и квалитетот на јавниот транспорт.
Ѓорѓиевски истакна дека обновувањето на автобуската флота ќе продолжи континуирано, со редовни набавки секоја година, со цел создавање функционален и ефикасен систем во ЈСП за сите граѓани на Скопје.
