Вечерва започна новата концертна сезона на Македонската филхармонија со концертот „Класика РеСтарт“, под диригентската палка на маестро Јерухам Шаровски и со врвниот виолончелист Сантјаго Канон Валенсија како солист.
Филхармонијата повторно ги поканува љубителите на музиката на незаборавна звучна авантура, со настапи на светски признати уметници, солисти и диригенти кои ја создаваат современата историја на класичната музика, носејќи култура и уметност блиску до граѓаните.
