Директорката на Националната установа „Завод и музеј“ – Битола, М.С. (53), сама си го унапредила работното место, отворајќи позиција повисока од претходната. Таа го укинала своето старо место „виш кустос“ и си создала ново „кустос советник“, кое е едно ниво повисоко, информира полицијата.
Според истрагата, промената на Актот за систематизација била направена спротивно на Законот за вработени во јавен сектор и Законот за работни односи, а директорката постапила несовесно во своите службени овластувања.
Полицијата ја пријавила за кривично дело „несовесно работење во службата“, а случајот е предаден на надлежното обвинителство за понатамошна постапка.
