Исплатата на средствата од „МојДДВ“ за вториот пресметковен период веќе е започната, а граѓаните постепено ги добиваат парите на своите трансакциски сметки.
Станува збор за повратот на дел од платениот данок на додадена вредност за фискалните сметки скенирани во периодот април, мај и јуни.
Граѓаните кои во текот на овие три месеци редовно ги скенирале фискалните сметки преку апликацијата „МојДДВ“ веќе можат да проверат дали средствата им се префрлени на сметките.
Од Управата за јавни приходи и Министерството за финансии потсетуваат дека исплатата се реализира во согласност со законски утврдените рокови.
Крајниот рок за целосната исплата е 31 август.
Тоа значи дека доколку средствата сè уште не се појавиле на вашата трансакциска сметка, нема причина за загриженост, бидејќи исплатата се врши постепено.
Граѓаните можат да ја проверат својата трансакциска сметка и да видат дали повратот од „МојДДВ“ веќе е исплатен.
Исплатата се однесува на корисниците кои ги исполнуваат условите за поврат согласно правилата на системот „МојДДВ“.
