Општина Кавадарци продолжува со тековните активности за подобрување на патна инфраструктура и санација на оштетувањата на коловозите низ повеќе градски сообраќајници.
Како што informираат од општинските служби, деновиве интензивно се работеше на крпење и санирање на ударните дупки на следниве локации:
- „Димче Чекоров“
- „Ферчо Поп Ѓорѓиев“
- „Беласица“ (на две локации)
- „Иво Лола Рибар“
- „Киро Спанџов“
- „Тошо Велков Пепето“
- „Лазо Мицев“
Со реализацијата на овие градежни активности значително се подобрува состојбата на коловозите, а главната цел е да се обезбедат побезбедни, порамнети и поудобни услови за движење на сите учесници во сообраќајот – како за возачите, така и за пешаците.
Од општината најавуваат дека активностите за одржување и санација на сообраќајната мрежа ќе продолжат и во наредниот период согласно предвидениот план за работа.
