Компанијата КАМ објави дека годинава ќе исплати рекорден регрес во висина од 52.000 денари за своите вработени, продолжувајќи ја својата практика на вложување во подобри услови за работа и наградување на трудот и посветеноста на својот тим.
Од компанијата посочуваат дека оваа одлука е дел од долгорочната стратегија насочена кон создавање квалитетна работна средина, во која секој вработен се чувствува ценет, мотивиран и поддржан.
„Со задоволство информираме дека оваа година на вработените во КАМ ќе им биде исплатен рекорден регрес од 52.000 денари. Оваа одлука е дел од нашата континуирана практика за подобрување на условите за работа и за вреднување на трудот и придонесот на вработените“, соопштуваат од компанијата.
Во соопштението се нагласува дека КАМ останува посветен на градење организациска култура во која луѓето се најважниот капитал и двигател на успехот.
„Нашата цел е да создадеме работна средина во која секој член на тимот ќе биде поддржан, почитуван и мотивиран да го даде својот максимум. Со исплатата на рекорден регрес уште еднаш покажуваме колку ги цениме луѓето кои се дел од нашиот систем и нивниот секојдневен придонес“, истакнуваат од компанијата.
Од КАМ упатија искрена благодарност до сите свои вработени за професионалноста, посветеноста и ангажманот што го покажале во текот на изминатата година, оценувајќи дека токму нивниот труд е една од главните причини за успешното работење и континуираниот развој на компанијата.
Исплатата на регрес во износ од 52.000 денари претставува највисока досега што КАМ ја доделува на своите вработени, а со ова компанијата уште еднаш ја потврдува својата определба да инвестира во својот кадар, да ги препознава резултатите и да го наградува вложениот труд.
