Денеска времето во Македонија ќе биде променливо облачно, со повремени сончеви периоди и локални врнежи од дожд. Посебно внимание привлекува најавата за засилен до силен ветер од јужен правец, кој на одделни места ќе достигнува брзина поголема од 80 километри на час.
Утринските температури ќе се движат од 9 до 13 степени, додека во текот на денот ќе биде релативно топло, со максимални температури од 18 до 25 степени.
Во главниот град ќе преовладува слично време, односно променлива облачност со повремени сончеви периоди. Ќе дува умерен до засилен ветер од јужен правец, а температурата ќе се движи од минимални 11 до максимални 24 степени.
Од УХМР најавуваат дека и во наредниот период ќе продолжи променливото време, под влијание на серија влажни воздушни бранови. Тоа ќе донесе повремени локални врнежи од дожд, кои претежно ќе бидат со слаб до умерен интензитет. Во одделни котлини, особено во утринските часови, ќе има услови и за појава на магла.
Иако денешниот ден ќе биде релативно топол, со температури значително над просекот за овој период од годината, стабилното и топло време нема да потрае долго.
Веќе од утре се очекува продор на постудена воздушна маса од север, поради што ќе следува пад на температурите, особено во северните делови од земјата.
