Кандидатот на ВМРО-ДПМНЕ, Марко Колев, ја обезбеди победата на локалните избори во општина Велес и ќе добие втор мандат како градоначалник.
Според првичните резултати, Колев оствари убедлива предност пред противкандидатите, со што граѓаните му ја потврдија довербата за продолжување на досегашната работа во локалната самоуправа.
Колев во својата изјава се заблагодари на велешани за поддршката и истакна дека овој мандат ќе биде посветен на завршување на започнатите проекти и на нови инвестиции за развој на градот.
Победата на Колев е дел од поширокиот успех на ВМРО-ДПМНЕ на овие локални избори, каде партијата освои значителен број општини низ целата земја.
