Ѕвездата од хит серијата „Еуфорија“, Сидни Свини, пленеше со својот изглед на последната гала вечер, носејќи елегантен црн фустан кој веднаш стана тема на разговор. На настанот присуствуваа и бројни други познати личности, меѓу кои Хејли Бибер и Џена Ортега, како што објави „Дејли меил“.
Впечатлив стил што остави без здив
Свини, која има 28 години, се одлучи за црн кадифеен фустан со впечатливо деколте на половината и длабок шлиц на предната страна, што го нагласи нејзиниот изглед и додаваше доза на сензуалност. Црните сандали со отворени прсти и елегантната пунџа го заокружија нејзиниот стил. Кај накитот била минималистична – носеше само сребрени обетки и прстен. Шминката беше совршено избалансирана, со светкава сенка на очите и природен сјај на усните.
Вечер посветена на филмските великани
Гала настанот беше организиран како признание и почит кон големи имиња од светот на филмот. Оваа година, меѓу добитниците на награди беа Брус Спрингстин, Бовен Јанг и Пенелопе Круз. Настанот го водеше екипа од славни личности како Џон М. Чу, Виола Дејвис, Роберт Дауни Џуниор и Џенифер Хадсон.
Ејми Хома, директорка и претседателка на Музејот на Академијата, изјави дека оваа гала е „специјална вечер посветена на зближување на поединци со цел поддршка на прославата, унапредувањето и зачувувањето на киното“.
„По пет години одржување на настанот, чест ни е да им оддадеме признание на Пенелопе Круз, Валтер Салес, Брус Спрингстин и Бовен Јанг – раскажувачи чии влијанија длабоко одекнуваат во филмот и пошироко“, додаде Хома.
