Пет месеци по трагичниот пожар во дискотеката „Пулс“ во Кочани, пет лица продолжуваат да се лекуваат, објави „Фокус“. Двајца од нив се хоспитализирани во Турција, а тројца остануваат во домашни болници.
Според Фондот за здравствено осигурување, пациентите во Истанбул се во завршна фаза на третман, а еден од нив наскоро се очекува да се врати во Македонија. Во земјава, еден повреден е згрижен на Клиниката за пластична и реконструктивна хирургија, додека двајца се наоѓаат на болничко лекување во „Аџибадем Систина“.
Од вкупниот број повредени, двајца се во тешка состојба, а нивниот здравствен статус се следи внимателно од медицинските тимови.
