Во текот на септември во Македонија биле пријавени осум нови случаи на ХИВ/СИДА, а евидентирани се и две починати лица кои претходно биле регистрирани со ХИВ. Податоците се наведени во билтенот на Институтот за јавно здравје за движењето на акутните заразни заболувања.
Според информациите објавени од Институтот за јавно здравје, сите осум новопријавени случаи се кај лица од машки пол. Најголем дел од нив се на возраст од 30 до 39 години, односно во оваа возрасна група припаѓаат четири лица.
По едно лице е регистрирано во секоја од следните возрасни групи: од 15 до 19 години, од 20 до 29 години, од 40 до 49 години и од 50 до 59 години.
Во истиот период биле пријавени и две починати лица кои претходно биле евидентирани како случаи на ХИВ. Едниот случај бил пријавен во 2015 година, а другиот во 2018 година. Двете починати лица биле на возраст од 40 до 49 години.
Вкупно 49 пријавени случаи во 2026 година
Според постојната евиденција на пријавени случаи, заклучно со 30 септември 2026 година, вкупниот број пријавени случаи на ХИВ/СИДА во Македонија во текот на оваа година изнесува 49.
Кумулативните податоци за периодот од 1987 до 2026 година покажуваат дека во земјата се регистрирани вкупно 778 лица со ХИВ/СИДА.
Од нив, 144 лица се починати, додека 520 лица живеат со ХИВ/СИДА. Во евиденцијата, дополнително, 114 лица се водат како изгубени за следење, односно како лица кои се иселиле.
Овие податоци се дел од редовната евиденција на Институтот за јавно здравје за пријавените случаи на ХИВ/СИДА во земјата. Статистиката ги опфаќа новите случаи регистрирани во текот на годината, како и вкупниот број пријавени случаи во Македонија од 1987 година до крајот на септември 2026 година.
