Од полноќ стапуваат на сила нови, повисоки цени на горивата, по одлука на Регулаторната комисија за енергетика (РКЕ), со што возачите повторно ќе плаќаат повеќе при секое точење.
Според најновата одлука, малопродажните цени на нафтените деривати се зголемуваат во просек за 1,47 отсто, а најголем удар има кај дизелот, чија цена се зголемува за 2,5 денари по литар.
Поскапување има и кај бензините, кои од полноќ ќе чинат 1 денар повеќе по литар, додека екстра лесното масло за домаќинство поскапува за 2 денари по литар.
Единствен исклучок во новата ценовна корекција е мазутот, чија цена се намалува за 0,265 денари по килограм.
Од РКЕ соопштија дека новите максимални малопродажни цени ќе важат од утрешниот ден, со што се очекува директно влијание врз трошоците за транспорт и секојдневниот живот.
