Во рамки на континуираните активности за подобрување на локалната инфраструктура, во Кавадарци е завршено поплочувањето на пристапната улица до Градските гробишта, со што се обезбедуваат подобри услови за движење на граѓаните.
Градоначалникот на Општина Кавадарци, Митко Јанчев, информираше дека градежните активности се реализирани на површина од околу 150 квадратни метри, а со изведените работи е подобрен пристапот до гробиштата.
Изведувач на проектот е компанијата „Ас Машини“, која ги реализираше предвидените активности за поплочување на пристапната улица.
Со оваа интервенција се олеснува секојдневното движење на граѓаните кои ги посетуваат Градските гробишта, а воедно се придонесува за поуредена и пофункционална инфраструктура во овој дел од градот.
Од Општина Кавадарци продолжуваат со активности насочени кон подобрување на локалната инфраструктура и создавање поквалитетни услови за граѓаните, преку конкретни интервенции на различни локации низ општината.
