Во доцните часови синоќа, полицијата спроведе голема акција во Скопје, насочена кон нелегалните казина. За време на претресите, пронајдени беа поголеми парични средства, маси за покер, чипови, карти, како и прашкаста и растителна материја за која постои сомнение дека е наркотична дрога.
Во рамки на акцијата, голем број лица беа лишени од слобода и се преземаат мерки за нивно изведување пред надлежното јавно обвинителство.
Од МВР најавуваат дека оваа акција е само почеток од серија мерки за сузбивање на нелегалното коцкање и заштита на граѓаните. Дополнителни информации ќе бидат објавени по завршувањето на истрагата.
