Девет лица се приведени по масовна тепачка што се случила на Осломешката крстосница во Kičevo, во која биле употребени ножеви и дрвени предмети.
Инцидентот се случил околу 01:30 часот, кога дошло до жестока физичка пресметка меѓу повеќе лица. Во тепачката биле користени опасни предмети, при што две лица се здобиле со расекотини и други повреди.
Полицијата реагирала и околу 03:40 часот привела деветмина учесници – млади лица од Прилеп, Битола и Кичево. Акцијата ја спровеле полициски службеници од ОВР Кичево.
Надлежните информираат дека по целосно расчистување на случајот, против сите инволвирани ќе бидат поднесени соодветни кривични пријави.
