Полицијата во Велес уапсила 33-годишен маж осомничен за серија кражби, при што меѓу украдените предмети имало и платежни картички кои подоцна ги искористил за купување.
Според информациите од СВР Велес, лицето со иницијали Б.Т. (33) било лишено од слобода вчера околу 04:20 часот. Тој се сомничи дека на две различни локации во Велес извршил кривични дела „тешка кражба“, при што одзел повеќе предмети од оштетените лица.
Меѓу украдените работи имало и банкарски картички, а осомничениот со една од нив успеал да направи две трансакции во продажно место, пред полицијата да го открие и приведе.
При полициската акција биле пронајдени дел од украдените предмети, кои ќе им бидат вратени на сопствениците.
Осомничениот е задржан во полициска станица, а по целосното документирање на случајот против него ќе биде поднесена соодветна кривична пријава.
