Јавното претпријатие „Комуналец“ од Кавадарци продолжува со реализација на инфраструктурни зафати во населените места низ општината.
Во селото Бегниште, Кавадарци, во тек се градежни активности за изградба на потпорен ѕид и дислокација на дел од фекалната канализациона мрежа. Проектот се реализира по барање на Месната заедница, а со поддршка и одобрение од Локалната самоуправа на Општина Кавадарци.
Со овие градежни зафати се создаваат побезбедни услови за жителите и дополнително се унапредува комуналната инфраструктура во селото. Од ЈП „Комуналец“ – Кавадарци информираат дека претпријатието и понатаму останува посветено на реализација на проекти кои произлегуваат директно од потребите на граѓаните, со цел подобрување на квалитетот на живот во сите населени места во општината.
