По повод одбележувањето на Детската недела, градоначалникот на Општина Кавадарци, Митко Јанчев, ја посети детската градинка „Рада Поцева“, каде што уште еднаш доминираа детската радост, топлите насмевки и искреното другарство.
Во духот на споделувањето и меѓусебното дарување, дечињата донесоа свои омилени играчки и си ги подаруваа едни на други, практично учејќи ја важната животна лекција дека среќата станува поголема тогаш кога се споделува со другите.
Како знак на искрено внимание и континуирана поддршка за најмладите, градоначалникот Јанчев им врачи пакетчиња со играчки, предизвикувајќи дополнително восхит и насмевки кај децата.
Оваа посета е уште еден потсетник дека Детската недела е симбол за тоа дека секое дете заслужува безгрижно и среќно детство, многу љубов, внимание и можност да расте во здрава средина исполнета со разбирање, почит и другарство. Најубавите подароци не се само играчките, туку љубовта, добрината и радоста што ги споделуваме!
