Поради влошената безбедносна состојба во регионот на Блискиот Исток, Министерството за надворешни работи и надворешна трговија формираше кризен штаб на 24-часовно располагање на граѓаните. Штабот континуирано ја следи состојбата и координира постапки за македонските државјани кои се наоѓаат во загрозени подрачја, вклучително и подготовка за евакуација доколку е потребно.
Дипломатско-конзуларните претставништва во Тел Авив, Доха и Абу Даби се во постојан контакт со граѓаните и на располагање за помош. Министерството ги повикува државјаните доследно да ги почитуваат упатствата на локалните безбедносни органи.
Контакт за помош:
- СОС дежурен телефон (МНРНТ): 075/273-732
- Амбасада во Доха: +974 50 173 111
- Амбасада во Абу Даби: +971 56 441 7532
- Амбасада во Тел Авив: +972 54 500 8566 / +972 54 967 0546
