Нафтениот танкер „Skylight“, кој плови под знамето на Палау, бил нападнат на околу пет наутички милји од оманскиот полуостров Мусандам. Четири лица се повредени, а целиот екипаж од 20 лица е евакуиран, јавуваат локалните медиуми.
Истовремено, пристаништето Дукм било погодено со два дрона, при што е повреден еден работник. Оман го осуди нападот и најави преземање на сите неопходни мерки за заштита на земјата и нејзините жители.
Овој инцидент следува по ескалацијата на конфликтот меѓу Израел, САД и Иран, при што Оман претходно делуваше како посредник во индиректните преговори.
