Денес низ земјава ќе преовладува претежно сончево време со мала до умерена облачност, а во утринските часови по одделни котлини ќе има услови за појава на слаба магла. Ќе дува слаб ветер, главно од јужен правец. Според најавите, минималната температура ќе се движи од -4 до 5 степени, додека дневната ќе достигне меѓу 12 и 16 степени.
Во Скопје исто така се очекува сончево време со мала до умерена облачност и слаб југоисточен ветер. Во делови од котлината наутро е можна појава на магла, а температурата ќе се движи од околу 0 степени во утринските часови до околу 15 степени во текот на денот.
Времето ќе остане стабилно и релативно топло и во следните денови, а кон крајот на работната седмица се очекува повеќе облачност и услови за слаби локални врнежи. Во прогнозата за Скопје, за четврток се наведува можност за краткотрајни дождови подоцна во денот.
