Охрид, 8 октомври 2025 – Започна пријавувањето за бесплатна вакцинација против сезонски грип за ризичните категории граѓани, а самата имунизација ќе започне во втората половина на месецов.
Вакцината е наменета за:
- лица над 65 години,
- хронично болни,
- здравствени работници,
- бремени жени,
- деца на возраст од 6 месеци до 5 години,
- корисници и вработени во установи за социјална заштита на стари лица.
Пријавувањето може да се изврши електронски на vakcinacija.mk или преку матичен лекар.
Од Центарот за јавно здравје во Охрид информираат дека уште не е познат точниот број на дози кои ќе ги добијат, бидејќи вакцината прво мора да помине задолжителни анализи. Граѓаните веќе се јавуваат и закажуваат термини.
Министерството за здравство годинава набави 80.000 дози четиривалентна вакцина од реномираниот холандски производител „Абот“. Министерот за здравство, Азир Алиу, истакна дека интересот за вакцинирање постојано расте, што покажува зголемена свесност за значењето на оваа превентивна мерка.
