Македонците сметаат дека пристојна плата изнесува просечно 1.075 евра нето. Истражувањето, спроведено во регионалната рамка која ги опфати и Србија, Босна и Херцеговина и Хрватска, покажува дека граѓаните ја ценат не само висината на платата, туку и условите на работа и меѓучовечките односи.
Во Србија, работниците очекуваат околу 1.165 евра, во Хрватска 1.650 евра, а во Босна и Херцеговина околу 1.050 евра.
Покрај платата, над 60% од испитаниците нагласуваат дека важни се и добрите односи во тимот, меѓусебното почитување и квалитетната комуникација. Резултатите ја покажуваат мобилноста на работниците и растечките очекувања за пристојни приходи и квалитетна работна средина.
