По повод Детската недела, градоначалникот на Општина Кавадарци, Митко Јанчев, ги прими во посета дечињата од објектот „Сонце“ при ЈОУДГ „Рада Поцева“.
Со многу насмевки, детска искреност и позитивна енергија, најмладите гости му подарија рачно изработени картички на кои беа испишани нивните права и обврски. Преку оваа посета, децата испратија важна порака – дека секое дете заслужува љубов, грижа, образование, игра и безбедно и среќно детство, но и дека има обврска да ги почитува другите, да биде одговорно и да придонесува за својата заедница.
Да продолжиме сите заедно да им овозможуваме на децата детство исполнето со љубов, знаење, игра и искрени насмевки!
