84-годишна жена од Скопје била жртва на насилен грабеж во сопствениот дом во скопската населба Бутел. Две лица влегле во нејзиниот дом и со употреба на физичка сила ѝ одзеле пари и личен накит.
Според информациите од Министерството за внатрешни работи, случајот бил пријавен ноќеска, околу 00:35 часот, во Секторот за внатрешни работи Скопје.
Во полицискиот билтен се наведува дека ограбена била К.М. (84), жителка на Скопје, во чиј дом на подрачјето на Бутел две лица насилно ѝ одзеле пари и накит.
Од МВР информираат дека се преземаат мерки за расчистување на случајот, утврдување на сите околности и пронаоѓање на сторителите.
