Компанијата БРАКО реализираше хуманитарна акција со донација од 330 топли оброци од работничката менза на фабриката, наменети за лица во социјален ризик во Велес и околните места.
Оброците беа подготвени од велешкиот ресторан „Боем“, кој ја обезбедува исхраната за вработените во компанијата. Храната беше распределувана преку Народната кујна на „Боем“, додека за лицата кои живеат во подалечни места или немаат пристап до информации и социјални мрежи, активисти ја доставуваа директно до нивните домови.
Со оваа иницијатива, БРАКО ја потврдува својата посветеност на општествената одговорност и поддршката на локалната заедница, со особено внимание кон најранливите категории граѓани.
Компанијата најави дека и во иднина ќе продолжи да поддржува проекти и акции кои имаат директно влијание врз подобрување на квалитетот на животот во заедницата.
