Вчера вечерта, пред угостителскиот објект „Дукат“ во Скопје, се случи масовна физичка пресметка, по што полицијата лиши од слобода шест лица.
Како што информираат од МВР, синоќа (09/10.10.2025) полициски службеници од СВР Скопје постапиле по пријава за нарушување на јавниот ред и мир. Лишени од слобода се С.С.(23), М.З.(24), А.Ѓ.(42), И.М.(33), М.З.(55) и Б.Р.(29), сите од Скопје.
Претходно, тие и неколку други лица влегле во конфликт со А.М.(40), Т.Д.(41) и М.Е.(45), кои исто така биле присутни во објектот.
Полицијата продолжува со мерки за расчистување на случајот, а по целосно документирање ќе следуваат соодветни поднесоци.
