Полицијата во повеќе градови низ државата уапси возачи кои управувале возила под дејство на алкохол, а двајца од нив дури предизвикале и сообраќајни несреќи. Најтешкиот случај е регистриран во Скопје, каде е затекнат возач со неверојатни 3,30 промили алкохол во крвта.
👉 На 16.8.2025 во Неготино, полицијата го уапси Е.Л. (55) кој возел со 2,15 промили алкохол. 👉 Во Кавадарци, завчера е приведен И.В. (24) со 1,58 промили алкохол. 👉 Во Скопје, на ул. „Цветан Димов“, при увид на сообраќајна несреќа е откриено дека возачот А.С. (49) имал 3,30 промили алкохол во крвта. 👉 На бул. Трета македонска ударна бригада во Куманово, уапсен е Г.В. (48) кој управувал возило со 1,70 промили алкохол. 👉 Во Битола, на ул. „Св. Нектариј Битолски“, приведен е О.В. (48) од с. Баница, кој возел „фиат“ со 1,82 промили алкохол.
Според МВР, сите возачи се лишени од слобода и по целосно документирање на случаите ќе бидат поднесени пријави по член 297-а од Кривичниот законик за безобѕирно управување со моторно возило.
🚨 Полицијата апелира: пијаните возачи претставуваат закана и за себе и за животите на другите учесници во сообраќајот.
