Војник на Армијата на Република Северна Македонија е повреден додека извршувал службени задачи во Казнено-поправната установа Затвор Идризово.
Како што информираат од СВР Скопје, на 1 јануари 2026 година во 16:49 часот од Комплексот клиники „Мајка Тереза“ било пријавено дека кај нив со телесна повреда бил донесен Б.С. (44) од селото Шемшево, тетовско.
Според пријавеното, повредениот е вработен во армијата, а повредата ја здобил при извршување на работни задачи во затворот Идризово.
Се преземаат мерки за утврдување на околностите под кои настанала повредата.
