Голем број пожари избувнаа во текот на денот низ Македонија, од кои два сè уште се активни – кај селото Бешиште во Прилеп и кај Градешница во Новаци, каде што гори шума и сува вегетација.
Центарот за управување со кризи информира дека до 21 часот се регистрирани 25 пожари на отворен простор, од кои 23 се изгаснати. Меѓу поистакнатите изгаснати се оние во Шуто Оризари (Визбегово), каде што изгоре жито, магацин и отпад, како и повеќе пожари низ Прилеп, Петровец, Валандово, Струмица, Струга и Кичево.
ЦУК апелира до граѓаните да не палат огнови и стрништа на отворено и да внимаваат при престој во природа, за да се спречат катастрофални последици.
