Србија е во жестоки протести и блокади низ целата земја, а полицијата одговара со брутална сила. Маскирани полицајци се снимени како тепаат граѓани и користат полициски возила за да ги растераат демонстрантите на улиците на Белград, особено на улицата „Војводе Степе“, каде што се уапсени десетици луѓе.
Блокадите се проширија и во други градови како Ужице, Чачак, Крагуевац, Суботица и Нови Сад, каде што протестите не стивнуваат. Студентите повикуваат на продолжување на граѓанската непослушност, не отстапувајќи од барањата и најавувајќи нови блокади.
Во меѓувреме, има и информации за повредени студенти, а организаторите ги осудуваат полициските акции како насилни и неприфатливи. Граѓаните не се плашат и ветуваат дека борбата ќе продолжи.
Ова е најголемиот бран на протести во Србија во последните месеци, со засилени судири меѓу полицијата и демонстрантите, додека општеството е поделено и тензиите растат.
