Многу возачи ја чекаат ламбичката за „резерва“, мислејќи дека така штедат. Но, експертите предупредуваат дека редовното возење со ниско ниво на гориво може да предизвика сериозни оштетувања.
Најголем ризик е пумпата за гориво, која се лади со самото гориво. Кога резервоарот е речиси празен, пумпата работи „на суво“ и може да прегрее. Освен тоа, дното на резервоарот собира талог и нечистотија кои пумпата може да ги влече во филтерот или системот за вбризгување, што води до неправилна работа на моторот или дури дефекти.
Возењето со „резерва“ претставува и безбедносен ризик – можна е непријатна или опасна ситуација ако останете без гориво.
Стручњаците советуваат: никогаш не спуштајте го резервоарот под една четвртина, дополнете гориво веднаш кога ќе се вклучи ламбичката, и редовно чистете или менувајте го филтерот за гориво.
На кратко, возењето со речиси празен резервоар може да заштеди моментно, но на долг рок ќе ве чини многу повеќе и во пари, и во проблеми.
