Српскиот пејач Дарко Филиповиќ (45), кој стекна голема популарност преку музичкото натпреварување „Ѕвездите на Гранд“, последниве години ретко се појавува во јавноста, а својот живот го насочил кон приватен бизнис во Грција.
По бурниот развод од сопругата Јасмина, со која поминал 12 години во брак, пејачот започнал ново поглавје во животот.
Нивната разделба своевремено предизвика големо внимание во српската јавност, особено откако Филиповиќ јавно ја обвини поранешната сопруга дека го изневерувала со негов близок пријател.
„Долго време ме изневеруваше со човек кој сега ми е поранешен пријател. Јас немам од што да се срамам“, изјавил тогаш пејачот.
Станува збор за негови тврдења за причините за разводот.
Денес Дарко живее во Грција, каде што вложил средства во недвижности и заработува од издавање станови.
Како што претходно раскажал, идејата за инвестирање ја добил од пријател кој веќе поседувал повеќе недвижности во таа земја.
Пријателот го советувал дека е вистински момент за купување, бидејќи цените на становите во регионот тогаш биле на многу ниско ниво.
„Имав одредена заштеда и си помислив дека цените нема каде повеќе да паѓаат, туку можат само да растат“, објаснил Филиповиќ.
Пејачот одлучил своите заштедени пари да ги вложи во станови, кои денес му носат приходи преку издавање.
Иако во јавноста најмногу е познат по музичката кариера, Филиповиќ во последните години се посветил и на бизнисот со недвижности.
За неговиот сегашен љубовен живот се знае малку, а поранешната сопруга ретко ја споменува во јавноста.










