Најновиот тренд на социјалните мрежи привлекува внимание со својот специфичен рецепт – „кортизол во чаша“. Овој пијалок се промовира како начин за ублажување на стресот, враќање на енергијата и балансирање на хормоните. Според извештајот на Censis-Eudaimon, речиси една третина од луѓето се чувствуваат исцрпено и на работ на прегорување поради секојдневниот работен притисок, што го објаснува зголеменото интересирање за методи за намалување на стресот.
Кортизолот е хормон што го произведуваат надбубрежните жлезди како одговор на стресот. Тој има важна улога во метаболизмот, воспалението, нивото на шеќер во крвта и циркадијалниот ритам. Меѓутоа, кога нивото на кортизол е постојано високо, телото се наоѓа во состојба на хроничен стрес и не може да се врати во рамнотежа.
Рецептот за „коктел-кортизол“ вклучува 200 мл кокосова вода, сок од половина лимон, 50 мл сок од портокал, една лажичка магнезиум во прав, ¼ лажичка фина минерална сол и вода по вкус. Сите состојки се мешаат и се додава газирана вода по желба, а пијалокот се служи изладен.
Секој од состојките има своја здравствена придобивка. Солта и магнезиумот ја поддржуваат електролитската рамнотежа, портокалот и лимонот обезбедуваат витамин Ц и антиоксиданси, а кокосовата вода ја поттикнува хидратацијата и дава пријатен вкус. Комбинацијата создава освежителен и безалкохолен коктел кој, според оние што го пробале, помага да се смири умот и да се ублажат негативните ефекти на кортизолот, барем привремено.
