Патувањето на крстарење околу ртот Хорн во Јужна Америка изгледало како идеална можност за одмор за повеќе од 135 туристи. Тие тргнале на голема авантура со бродот “Ocean Explorer”, на компанијата Quark Expeditions.
Меѓутоа, патниците ги дочекале лоши временски услови и бранови високи 11 метри, додека минувале низ познатиот премин Дрејк, пренесува Daily Mail.
Поглед од големите прозорци
Познатата блогерка Лесли Ен Марфи снимила застрашувачки кадри на бродот кој минува низ огромни бранови.
Таа проценува дека брановите биле високи помеѓу 10 и 11 метри, а видеото покажува како тие ја надминуваат палубата и удираат во прозорците на бродот!
На снимката, која беше поставена на Инстаграм, неколку патници се гледаат како се собираат околу големите прозорци, додека брановите немилосрдно удираат.
Луѓето губеле рамнотежа
На снимките се гледа како луѓето губат рамнотежа и паѓаат.
Во еден кадар, група патници трчаат од една страна на друга, додека бродот постојано се лулал поради силните струи и бранови.
“Горда сум што можам да кажам дека преживеавме не само еден, туку два Дрејк шејка! За контекст, овој премин е водена површина помеѓу врвот на Аргентина и Антарктикот”, објаснила блогерката и додала:
“Познат е по екстремно немирните води. Ако имате среќа, ќе добиете Дрејк лејк (езеро). Ако сте како нас, ќе добиете Дрејк шејк со бранови од 11 метри”.
Погледнете го видеото во продолжение:
