Познатата водителка и филантроп Опра Винфри денес се смета за една од најмоќните жени во светот, но нејзиниот пат до врвот бил трагичен и полн со предизвици.
Родена во сиромаштија, Опра имала едно од најтешките детства што може да се замисли. Првата злоупотреба ја претрпела на само 9 години, а траумата продолжила во текот на младоста. На 14 години, како резултат на силување, таа забременила. Во очај се обидела да ја прекине бременоста со опасни методи, додека болните зборови на нејзиниот татко одекнувале во нејзината глава: тој би сакал да ја види како исчезнува наместо да „срами“ семејството. Детето што го родила набргу починало, а Опра донела одлука дека никогаш нема да има деца.
Но, таа не се предала. Почнала да работи во локалната телевизија, а потоа нејзиното ток-шоу станало глобален феномен. Таа беше првата црна жена милијардерка, со богатство стекнато преку телевизија, книги, списанија и други проекти.
Во текот на својата кариера од повеќе од 30 години, Опра интервјуираше светски лидери, актери, музичари и политичари, кршејќи табуа и покажувајќи дека никој не е недопирлив.
И покрај сè, таа остана икона на стилот, интелигенцијата и моќта – доказ дека најголемата сила доаѓа од издржливост, упорност и желба да се промени светот околу себе.
Од девојче скршено од траума до светска моќница – Опра е жив доказ дека никогаш не треба да се откажеш.
