Малкумина го знаат, но постои една клучна грешка што речиси сите ја прават кога пржат замрзнат помфрит – и токму таа ви го уништува вкусот и крцкавоста.
Според професионалниот готвач Дејвид Најфилд, најчестиот проблем не е ниту маслото, ниту уредот – туку премногу парчиња компир во една тура.
„Ако ставите премногу помфрит одеднаш, тие почнуваат да се готват со пареа, наместо да се пржат. Наместо крцкави – добивате меки и влажни компири,“ вели Најфилд.
Тајната, според него, е во распоредувањето на помфритот. Треба да има доволно простор меѓу парчињата, за секој да добие топлина од сите страни и да стане вистински крцкав.
Но тука не завршува приказната. Најфилд исто така посочува дека многу луѓе почнуваат да пржат на студен уред, што е уште една голема грешка.
„Никогаш не ставајте помфрит во ладна рерна, тавче или фритеза. Мора однапред да ја загреете на 200°C. Во спротивно, компирите ќе бидат нерамномерно пржени и без крцкава текстура.“
Значи, ако сакате помфрит каков што го служат во најдобрите ресторани – следете ги овие два клучни совети:
- Не претерувајте со количината во тавчето
- Загрејте ја рерната или фритезата однапред
На прв поглед едноставно, но оваа „мала“ промена може целосно да го промени вашиот следен оброк.
