Најмладата ќерка на Брус Вилис и Деми Мур, Талула Вилис, стапи во брак со музичарот и продуцент Џастин Аси на интимна церемонија одржана на 8 август во Сан Вали, Ајдахо.
На свадбата, Талула била опкружена со најблиските, а голема поддршка во подготовките ѝ биле нејзината мајка Деми Мур и сестрите Румер и Скаут.
Посебно внимание привлече невестинскиот фустан. Станува збор за креација на „Баленсијага“, изработена специјално за Талула, за која наводно биле потребни дури 712 часа работа.
Венчаницата имала и посебно семејно значење, бидејќи инспирацијата за нејзиниот дизајн била поврзана со едно од препознатливите модни изданија на нејзината мајка Деми Мур.
Сепак, едно прашање привлече особено внимание – дали Брус Вилис присуствувал на свадбата на својата ќерка?
Засега нема официјална потврда дека славниот актер бил присутен на церемонијата. Дел од медиумите наведуваат дека тој не присуствувал, но семејството јавно не потврдило дали тоа е точно.
Талула и Џастин се свршија кон крајот на 2024 година, а нивната врска во голема мера ја чуваа подалеку од очите на јавноста. Џастин е музичар и продуцент кој соработувал со повеќе изведувачи, но ретко споделува детали од приватниот живот.
