Светлана Црнокрак се присети на една од љубовните приказни од почетоците на својата кариера, откривајќи дека повеќе од две години била во врска со познат македонски фолк-пејач.
Гостувајќи во емисијата „Кафе муабети“, таа отворено зборуваше за периодот кога била актуелна мисица и ги правела првите чекори во јавниот живот.
Како што раскажа, нивната врска траела околу две и пол години и во тоа време привлекувала големо внимание во домашните медиуми.
Поради нивната различна појава и големата популарност, тогашните весници ги нарекувале „Убавицата и ѕверот“, а парот бил честа тема во естрадните рубрики.
„Бевме во врска можеби две и пол години. Беше тоа во периодот кога бев актуелна мисица и ги правев чекорите во кариерата“, се присети Црнокрак.
Таа откри дека и покрај тоа што нивната љубовна приказна одамна завршила, денес имаат коректен и пријателски однос.
„Со Благоја и денес сме во одлични, коректни и пријателски односи и многу се почитуваме“, изјави Светлана.
Црнокрак денес е во брак со Мики Црнокрак, а приказната за нејзината стара љубов повторно го привлече вниманието по нејзиното телевизиско гостување.
