Дали знаевте дека она што кај нас го нарекуваме „руска салата“ воопшто не е руско јадење? Во Русија, вистинската традиционална салата е сосема поинаква – полесна, поздрава и со далеку побогат вкус. Таму ја јадат преку целата година, а особено во зима и за време на Великиот пост, па затоа не е ни чудо што ја нарекуваат „најруската салата на светот“.
Ова е освежителна, хранлива и ароматична салата што ги освојува сите љубители на зеленчук. Не содржи мајонез, ниту тешки сосови – само природни состојки кои совршено се вклопуваат.
Потребни состојки:
- 2 големи цвекла
- 4–5 компири
- 2 моркови
- 5–6 кисели краставички
- 1 чаша конзервиран грашок
- 1 мал кромид
- 5–6 лажици масло
- ¼–½ лажичка сол
- малку оцет (по желба)
- бибер (по желба)
Како се подготвува?
- Сварете ги компирите, морковите и цвеклото цели, со кора.
- Кога ќе омекнат, излупете ги и исечкајте ги на мали парчиња.
- Додадете ги сите други состојки, ситно сечкани.
- Зачинете со масло, сол, бибер и малку оцет ако сакате поизразена киселост.
- Нежно измешајте и оставете ја салатата неколку часа во фрижидер – тогаш е највкусна.
Корисни совети од руските домаќинки:
- Наместо грашок можете да ставите и грав.
- Одлично оди со магдонос, копар или млад кромид.
- Многу Руси додаваат и кисела зелка – дава одлична свежина.
- Цвеклото секогаш варете го одделно за да не ја обои останатата вода.
Оваа салата може да стане ваш нов омилен здрав оброк – лесна е, полна со витамини и има богат вкус што нема врска со „нашата руска“.
