Тија Билинџер, попозната на социјалните мрежи како Бони Блу, објави дека го очекува своето прво дете, вест што брзо се прошири на интернет и предизвика силни реакции кај јавноста.
Инфлуенсерката, која во изминатиот период беше во центарот на внимание поради контроверзен предизвик што сама го организирала, повторно се најде во фокусот откако јавно сподели дека е бремена. Токму таа објава отвори нов бран коментари и дебати на социјалните мрежи.
Според нејзиното сведочење, првите сомнежи се појавиле за време на престој на Тенерифе, кога неколку дена по ред се чувствувала лошо. Таа навела дека имала мачнини, силни главоболки, како и промени во апетитот, поради што најголем дел од времето го минувала во кревет.
Во видео објава на својот Јутјуб-канал, Бони Блу ги опишала симптомите и објаснила дека по враќањето дома направила тест за бременост. Како што тврди, резултатот пристигнал многу брзо и покажал позитивен исход.
„Дефинитивно сум бремена“, изјавила таа во видеото, додавајќи дека веста ја изненадила.
По објавата, интернетот беше преплавен со реакции. Дел од корисниците изразија неверување и шок, додека други ѝ испратија пораки со поддршка и честитки за новото животно поглавје.
