Многу возачи мислат дека алкотестот покажува позитивен резултат само ако се консумирал алкохол, но постојат храни кои привремено можат да влијаат на мерењето.
Во Кина е забележан случај на возач кој, иако не пиел алкохол, алкотестот покажал над дозволената граница. Дополнителната анализа на крвта потврдила дека бил целосно трезен, а причината била што непосредно пред тестот изел голема количина дурјан.
Дурјанот содржи природни шеќери и соединенија кои можат краткотрајно да ферментираат во устата и дигестивниот систем, создавајќи минимални количини алкохол. Сличен ефект може да се јави и по консумирање на презреано овошје како ананас или папаја. Бананите и грозјето, при голема количина, исто така можат да создадат траги на алкохол по ферментација во желудникот.
Лебот и колачите со квасец можат краткотрајно да предизвикаат позитивен резултат, а десерти со екстракт од ванила (со околу 35% алкохол) може да влијаат на мерењето, иако ефектот обично исчезнува по околу 15 минути.
Семките од афион не го влијаат алкотестот, но можат да предизвикаат позитивен резултат на тест за дроги поради микроскопски траги од морфиум.
Експертите советуваат: ако алкотестот покаже позитивно, а возачот е сигурен дека не пиел алкохол, треба да побара повторно тестирање или анализа на крвта, која е најточен метод.
