Ќерката на легендарниот пејач Здравко Чолиќ, Уна Чолиќ, го прослави својот 24-ти роденден со гламурозна забава во белградски ресторан, опкружена со најблиските пријатели и семејството. Атмосферата била весела, со многу музика и добра храна, а центарот на вниманието беше убавата славеничка.
Татко ѝ Здравко ја изненади со огромен букет црвени рози, кој предизвика голем број реакции на социјалните мрежи, но тоа не беше сè – Уна се пофали и со скап подарок, луксузна чанта од Louis Vuitton во вредност од 2.800 евра. Кој ѝ ја подарил сè уште не откри, што дополнително ја подгреа љубопитноста кај јавноста.
Инаку, Уна неодамна ја откри својата љубовна врска со партнер кој е десет години постар од неа. Парот веќе објави фотографии од заеднички одмор, каде уживаа во луксуз и романтика, привлекувајќи големо внимание.
Роденденската прослава уште еднаш потврди дека ќерката на Чолиќ живее во голем стил, а јавноста со нетрпение ја следи секоја нејзина објава.
