Во време кога цените на електричната енергија постојано растат, сè повеќе граѓани бараат начини за заштеда во домот. Еден искусен електричар од Белград, Мирко, сподели неколку едноставни, но ефикасни совети кои можат значително да ја намалат сметката за струја – дури и до 50%, без да се загрози домашниот комфор.
Според него, најголемиот таен потрошувач на струја во многу домаќинства е бојлерот, кој работи речиси незабележливо – но постојано.
1. Намалете ја температурата на бојлерот
Првата и најважна препорака на Мирко е да се регулира термостатот на бојлерот.„Наместете ја температурата на 50 до 60 степени, наместо на 70 или 80,“ советува тој.Ова не само што значително ја намалува потрошувачката на струја, туку и го продолжува животниот век на грејачот, кој помалку се напрега на пониски температури.
2. Исклучувајте го бојлерот кога не е потребен
Втората мерка е редовно исклучување на бојлерот во периоди кога не се користи – на пример, преку ноќ или кога нема никој дома.„Бојлерот постојано ја одржува температурата, што значи дека грее дури и кога никој не користи вода. Со исклучување, се штедат неколку киловат-часа дневно,“ објаснува Мирко.
3. Додадете изолација – евтино, а корисно
Третата, често занемарена препорака е дополнителна термичка изолација на бојлерот и цевките – особено ако се наоѓаат во ладни простории, како бањи без греење или подруми.„Со изолација се намалуваат топлинските загуби, а тоа значи поретко вклучување на бојлерот,“ вели тој.За ова не е потребна голема инвестиција – може да се искористи и едноставен термоизолациски материјал од продавници за градежен материјал.
Со примената на овие три едноставни, но ефективни совети, многу домаќинства веќе успеале значително да ја намалат потрошувачката, а со тоа и сметките за струја.
„Не се работи за магија, туку за разумно користење на ресурсите,“ заклучува Мирко, додавајќи дека со минимални промени, може да се постигне голема разлика во семејниот буџет.
