На прв поглед, многу домашни уреди изгледаат безопасно кога не се користат, но експертите предупредуваат дека оставањето вклучени во струја може да претставува сериозен ризик.
Кога домот е празен, нема кој навреме да забележи прегревање, мирис на горење или дефект. Токму затоа се препорачува пред подолго отсуство да се исклучат уредите што не мора постојано да работат.
Меѓу нив се грејачи, апарати за кафе, машини за перење, тостери, миксери и чајници. Иако не се во активна употреба, тие и во „standby“ режим можат да трошат струја и да создадат ризик, особено ако инсталацијата не е во добра состојба.
Фрижидерот е исклучок, но само доколку функционира правилно, има добра вентилација и е приклучен на сигурен штекер. Секое необично однесување треба веднаш да се провери.
Често, најголемата опасност не доаѓа од самиот уред, туку од приклучоците. Лабави контакти, оштетени кабли или преоптоварени продолжни кабли можат да доведат до прегревање и искрење.
Затоа, важно е да не се приклучуваат повеќе моќни уреди на едно место, да се користат квалитетни заштити и редовно да се проверуваат каблите.
Дополнително, уредите не треба да се користат во затворени и непроветрени простори, ниту во близина на запаливи материјали.
Едноставна проверка пред да излезете од дома може значително да ја зголеми безбедноста и да ви овозможи да заминете без грижи.
