Берлин подготвува нов проект со кој туристите ќе можат да добиваат мали награди и посебни привилегии доколку покажат грижа за животната средина за време на престојот во германската престолнина.
Новата програма, наречена „Берлин пеј“, треба да стартува ова лето, а главниот фокус ќе биде насочен кон заштита и одржување на водените површини низ градот. Идејата е посетителите да бидат мотивирани да се однесуваат поодговорно додека престојуваат во Берлин.
Според најавите, туристите ќе можат да добијат различни бенефиции ако собираат отпад, учествуваат во локални акции, помагаат во разубавување на населбите или поддржуваат социјални иницијативи. За возврат, партнерите на проектот ќе им нудат мали подароци, попусти или уникатни искуства низ градот.
Туристичката организација во моментов бара компании и институции што ќе се приклучат на иницијативата. Во проектот се очекува да учествуваат хотели, ресторани, културни центри и организации поврзани со реките и езерата во Берлин.
Овој модел веќе се покажал успешен во Копенхаген, каде туристите добиваат бесплатни возења со чамци или велосипеди ако патуваат еколошки и придонесуваат за зачувување на околината.
