Ако возите дизелаш, една лампичка на инструмент-таблата никако не смее да се игнорира. Затнатиот ДПФ-филтер може да предизвика сериозни дефекти на моторот и трошоци што се мерат со стотици, па и илјадници евра. Дознајте како да ги препознаете првите симптоми на проблемот, да спречите скапи поправки и зошто отстранувањето на ДПФ-филтерот е една од најлошите одлуки за вашиот автомобил.
Што е всушност ДПФ-филтерот и за што служи
ДПФ (Diesel Particulate Filter) е специјализиран филтер за честички кај дизел-маторите, односно уред за, пластично кажано, филтрирање на издувните гасови. Неговата главна задача е да ги фаќа и складира штетните честички како саѓи и пепел за тие да не завршат во воздухот што го дишеме.
По 2009 година стапи на сила строгата европска еколошка норма со цел намалување на емисијата на јаглерод диоксид ($\text{CO}_2$) и од тогаш, ДПФ-филтерот стана законски задолжителен дел од опремата за сите новопроизведени дизел-автомобили.
Како да препознаете затнати или расипан ДПФ
Игнорирањето на проблемите со ДПФ-филтерот може да предизвика синџир од дефекти на моторот. Еве ги клучните симптоми на кои мора веднаш да реагирате:
- Палење на ДПФ-лампичката на инструмент-таблата: Штом филтерот ќе се затне, тој испраќа сигнал до компјутерот и лампичката се пали. Тоа е првиот знак дека филтерот е зачепен и дека мора итно да реагирате. Иако тоа не значи дека во истиот момент мора да го изгаснете моторот, сепак што поскоро треба да се упатите кај мајстор.
- Намалена моќност на моторот: Бидејќи затнатиот ДПФ го блокира издувниот систем и го отежнува одводот на гасовите од моторот, автомобилот губи сила. Колку и да притискате на гасот, моторот ќе работи слабо бидејќи троши премногу енергија обидувајќи се да ги „протурка“ гасовите низ зачепениот филтер.
- Драстично поголема потрошувачка на гориво: Поради губењето на моќноста, природно посилно ќе ја притискате педалата за гас за да ги надоместите перформансите. Моторот работи под значително поголемо оптоварување и троши многу повеќе гориво, а забрзувањето и понатаму останува слабо.
- Отежнато палење на моторот: Натрупувањето гасови кои нема каде да одат создава огромен притисок во самиот мотор и во ДПФ-системот. Во такви ситуации, моторот едноставно нема да сака да запали сè додека тој притисок не се ослободи.
- Тешки дефекти на турбината: Зачепениот ДПФ го забавува протокот на гасовите, што драстично ја покачува нивната температура во издувниот систем. Тоа го прегрева куќиштето на турбината и може да предизвика истекување гас и масло директно од турбополначот, што сериозно ја намалува неговата ефикасност. Исто така, затнатиот ДПФ може да го започне процесот на карбонизација на маслото во турбо-системот, што претставува екстремна опасност за моторот, истакнуваат стручњаците.
- Пожар на вашето возило: Кога станува збор за дополнителните ризици што може да ги донесе затнатиот ДПФ-филтер, тука е токму ризикот од пожар.
„Кога ДПФ е при крајот на својот работен век и е премногу затнати, компјутерот се обидува да го исчисти така што ја покачува температурата на издувните гасови. Во екстремни случаи, тоа може да доведе и до запалување на возилото“, објасни автомеханичарот Ѓорѓе Шљукиќ.
Дали е дозволено да се извади ДПФ-филтерот
Многу возачи во случај на дефект се одлучуваат на целосно отстранување на ДПФ-филтерот за да ги избегнат трошоците за поправка. Меѓутоа, вадењето на ДПФ-филтерот е строго незаконско!
ДПФ фабрички се вградува во согласност со европските еколошки прописи. Автомобил произведен по 2009 година од кој е отстранет ДПФ нема да може да мине технички преглед и еколошки тестови за контрола на издувните гасови, а оваа постапка може дури и целосно да ви ја поништи полисата за осигурување на возилото.
Како да спречите зачепување и да му го продолжите векот
За среќа, скапите дефекти и предвременото зачепување можете да ги спречите многу едноставно и без никакви трошоци.
Сè што е потребно е најмалку два до трипати месечно (во зависност од вашата вкупна километража) да го извозите автомобилот на отворен пат и да го возите подолго од 15 минути. Со тоа ќе му овозможите на автомобилот самостојно да го покрене и успешно да го заврши процесот на автоматска регенерација и да ги согори сите саѓи собрани за време на напорното градско возење.
Колку чини чистењето и замената на филтерот
Замената и чистењето на ДПФ-филтерот чинат различно, во зависност од видот. Така, машинското чистење е од 9.000 денари па до околу 15.000 денари, репарацијата на саќето е околу 56.000 до 58.000 денари, додека целосно новите фабрички или заменски филтри чинат од 480 до над 1.500 евра.
