Зад луксузните креми и серуми се крие состојка која полека станува сè поретка – шафранот. Овој скап и ценет екстракт, познат по своите моќни антиоксидантни својства, веќе е под сериозна закана поради климатските промени и намаленото производство.
Најголемиот дел од светскиот шафран доаѓа од Иран, но сушите и нестабилните услови доведоа до драматичен пад на приносите. Со тоа, цената расте, а луксузната козметичка индустрија сè повеќе се соочува со недостиг на овој „златен“ састојок.
Но приказната не завршува тука.
Шафранот не е ценет само во козметиката. Сè повеќе се користи и како природен додаток за подобрување на менталното здравје. Истражувањата покажуваат дека може да помогне при намалување на анксиозност, стрес и чувство на напнатост, благодарение на неговото влијание врз серотонинот – хормонот на добро расположение.
Многумина веќе го користат во форма на чај, екстракт или додатоци во исхраната, барајќи природен начин за смирување во брзото и напнато секојдневие.
Сепак, експертите предупредуваат: токму зголемената побарувачка – и во козметиката и во здравјето – дополнително ја загрозува неговата достапност.
Додека светот се повеќе се врти кон природни решенија, едно прашање останува отворено – дали овој „златен“ састојок ќе стане луксуз достапен за малкумина?
