За претстојните локални избори ќе се потрошат неверојатни 6.5 милиони евра само за рекламирање во медиумите. Тоа претставува 66 проценти од вкупниот буџет на Државната изборна комисија.
Според официјалните податоци, за кампањите се пријавиле 33 телевизии, 42 радиостаници, осум печатени медиуми и дури 246 интернет портали.
Граѓаните ќе излезат на гласање во два круга – првиот на 19 октомври, а вториот на 2 ноември.
