Американецот Шон Мијус заврши со повреда на ногата откако се обиде да се фотографира со ајкула на плажа во Флорида.
Инцидентот се случи минатата сабота, кога Мијус и неговите пријатели отишле на ноќен риболов за да го прослават неговиот роденден.
Според видеото, група Американци ја извлекле ајкулата на брегот, а славеникот позирал за фотографија.
Неколку моменти подоцна, сè тргна наопаку. Додека младиот човек ја држеше ајкулата за главата, а неговиот пријател за опашката, таа се сврте и го зграби за ногата.
Несреќниот човек почна да вреска од болка, додека морскиот предатор исчезна во длабочините.
